Vllaznia mendon për merkaton në dalje, teksa është larguar zyrtarisht Arlind Kalaja.
Këtë lajm e ka bërë vetë publike klubi shkodran ku njofton se ky “divorc” me 26-vjeçarin është bërë me një ndërprerje me konsensus të kontratës, gjithashtu kuqeblutë e falënderojnë Kalajan për aventurën e tij me Vllazninë dhe i urojnë suksese në eksperiencat e ardhshme.
NJOFTIMI ZYRTAR I KLUBIT TË VLLAZNISË –
“NJOFTIM
KF Vllaznia bën të ditur se ka arritur një marrëveshje me futbollistin Arlind Kalaja për ta ndërprerë me konsensus kontratën dhe bashkëpunimin mes palëve.
KF Vllaznia e falenderon futbollistin Arlind Kalaja për kontributin e dhënë për ngjyrat kuqeblu dhe i uron suksese në vazhdim të karrierës!”
