E ardhmja e Strakoshës do të jetë te Lacio! Këto janë raportimet e fundit që vijnë nga Italia. Mediat përtej Adriatikut kanë arritur të zbulojnë së fundmi se brenda dy javësh, drejtuesit lacialë do të telefonojnë portierin shqiptar për të dëgjuar synimet e tij dhe për t’i paraqitur atij një ofertë rinovimi.
Strakosha është i gatshëm që të rinovojë në se i ofrohen garanci teknike, sepse kërkon që të luajë dhe jo të qëndrojë në pankinë. Pak muaj më parë dukej e destinuar për lamtumirë, por situata ka marrë tjetër trajektore së fundmi.
Shqiptari ka rifituar vendin e titullarit dhe mbi të gjitha nuk ka marrëveshje me asnjë ekip tjetër për t’u transferuar në verë si transferim i lirë. Lacio po përgatitet ta telefonojë për të diskutuar për të ardhmen e tij.