Në pritje të fillimit të sezonit të ri në Formula 1, ish-piloti brazilian Felipe Massa, që me Ferrarin ka garuar nga viti 2006 deri në vitin 2013, i ka dhënë një këshillë dy pilotëve aktualë të “kokëkuqes”, Charles Leclerc dhe Carlos Sainz. “Janë një dyshe e fortë, ndoshta më e forta këtë sezon në Formula 1. Por…”, u shpreh Felipe Massa.
“Te Ferrari do ta kenë të vështirë t’i menaxhojnë këtë sezon. Gjithsesi, kur garon te Ferrari çdo pilot duhet të ketë të qartë një gjë: Aty nuk garon për të qenë një pilot simpatik. Aty garohet për të fituar. Të dy këta pilotë duhet të respektojnë skuadrën dhe të duelojnë për fitore, për të fituar titullin kampion”, tha Massa.
