Shqiptari i Kosovës, Andi Hoti, ka gjetur rrugën e rrjetës me Interin U-19 në përballjen ndaj bashkëmoshatarëve të Juventusit, në takimin që po luhet në Torino.
Në minutën e 22-të, pas një harkimi nga këndi, Hoti goditi saktë me kokë brenda zonës, duke e dërguar topin në cepin e majtë të portës. Pjesa e parë u mbyll me avantazhin 0-1 në favor të zikaltërve.
Ky ishte goli i parë për Hotin me fanellën zikaltër. Vetëm 18 vjeç, e ardhmja e Hotit, pritet të jetë tepër e ndritur. Vlen të theksohet fakti se Hoti është pjesë e përfaqësueses U21 të Kosovës, është aktivizuar 4 ndeshje!