Juventusi do të përballet në transfertën e Empolit në javën e 27-të të Serisë A, ku shpreson ende në fitimin e titullit kampion, pas gabimeve të Milanit dhe Interit.
Në këtë sfidë, drejtuesit bardhezi do t’i hedhin sytë gjithashtu dhe drejt talentit shqiptar, Kristjan Asllani.
Mesfushori i Shpresave kuqezi po kalon një moment mjaft të mirë me Empolin dhe është bërë padyshim një titullar në ekip.
Nëse Asllani arrin një tjetër performancë të mirë siç ka bërë dhe në 3 sfidat e fundit, ku ka luajtur për 90’ minuta, mund të rrisë akoma dhe më shumë interesin e “Zonjës” për 19-vjeçarin shqiptar.