E mbani mend kur bëheshin lajme se sa shumë do të shtoheshin lindjet në Itali pasi “axurrët” u shpallën kampionë Europe?
Natyrisht, triumfet sportive sjellin frymëzim dhe përmirësojnë gjendjen shpirtërore të një populli të tërë, e padyshim edhe të protagonistëve që sukseset i arrijnë si protagonistë në fushën e lojës.
Duket një situatë e ngjashme edhe me dy ish-futbollistët e Teutës, Rustem Hoxha dhe Stivi Frashëri, që në një datë të veçantë si kjo 22.02.2022 janë bërë prindër.
Po, koincidenca e deshi që dy futbollistët që u shpallën kampionë me Teutën nëntë muaj më parë, sot kanë festuar gëzimin më të madh në jetë, duke u bërë prindër.
Për koincidencë vazhdojnë të jenë në të njëjtën skuadër, por tek Ballkani ku trajner është Ilir Daja.
