Fundjava që sapo lamë pas ka qenë shumë pozitive për lojtarët shqiptarë që aktivizohen në Europë.
Faqja e mirënjohur e statistikave “Sofa Score” ka bërë vlerësimet për legjionarët që kanë lënë shenjë këtë fundjavë.
I pari në këtë klasifikim është Lindon Selahi, i cili vlerësohet me notën 7,6 ku me Rijekan e tij ka arritur të dhurojë një paraqitje pozitive në fitoren ndaj Lokomotivës së Zagrebit.
I dyti renditet portieri i Kombëtares shqiptare, Thomas Strakosha, i cili është vlerësuar me notën 7,6 ku ka ruajtur portën e paprekur ku Lacio e tij triumfoi 0-3 ndaj Fiorentinës.
I treti është klasifikuar mbrojtësi i Shqipërisë, Berat Gjimshiti, i cili është vlerësuar me notën 6,9 ku ka kryer një paraqitje pozitive me Atalantën e tij.
I katërti renditet, sulmuesi i Kombëtares shqiptare Myrto Uzuni, i cili është vlerësuar me notën 6,9, pas një paraqitjeje të këndshme ndaj Realit të Madridit në “Santiago Bernabeu” me fanellën e Granadas duke u aktivizuar si titullar që në debutim.
I pesti klasifikohet mesfushori Kristjan Asllani, nga ku vlerësohet me notën 6,9 duke kryer paraqitje mbresëlënëse me Empolin.
VLERËSIMET E LEGJIONARËVE SIPAS FAQES SË STATISTIKAVE, “SOFA SCORE”