Specia mbrëmjen e djeshme ka barazuar me rezultatin 2-2 ndaj Salernitanës në Salerno.
Protagonist ka qenë dhe sulmuesi i Kombëtares shqiptare, Rei Manaj, i cili ka realizuar gol me penallti në minutën e 12′ duke barazuar përkohësisht ndeshjen në 1-1.
Mediat italiane i kanë bërë jehonë paraqitjes së sulmuesit lushnjar me skuadrën nga Liguria ku e kanë vlerësuar me nota relativisht të mira.
NOTAT E MEDIAVE ITALIANE –
“Gazzetta dello Sport”, Nota: 6,5 – “Me atë Facio mund të bënte edhe më shumë.”
“Corriere dello Sport”, Nota: 6 – “Ndihet i kthjellët nga pika e bardhë e penalltisë dhe mund të vazhdojë kështu.”
“Tutto Sport”, Nota: 6 – “Luftëtar, çan mbrojtjen e Salernitanës me forcë fizike.”
“Il Secolo XIX”, Nota: 6,5: “Lëviz si një qendërsulmues dhe tregon shumë personalitet.”
“Tutto Mercato Web”, Nota 7: “Tani është një titullar i Specias, sonte shënon penalltinë e parë sezonale dhe fiton 11-metërshin e dytë. Në pjesën e dytë nuk dorëzohet kurrë dhe provon me të gjitha mënyrat për të realizuar golin e dytë personal. Keqardhje sepse kishte dhënë gjithçka për të realizuar dopietë.”
