Për të dytën ndeshje radhazi, Paris SG-ja ka fituar në kohën shtesë. Pas suksesit ndaj Renesë në kampionat 1-0 në minutën e 93-të me një gol të Mbapesë, të mërkurën ka ardhur një tjetër sukses në limite.
Këtë herë në Champions ndaj Realit në minutën e 94-t me të njëjtin protagonist, Mbape. Sukseset e PSG-së në kohën shtesë janë kthyer në një zakon për këtë skuadër, që vetëm në këtë sezon ka fituar ose barazuar 10 ndeshje pas minutës së 80-të.
Ndoshta një herë, dy, mund të jetë rastësi, por kaq shumë suksese në fundin e ndeshjeve tregojnë për forcën e kësaj skuadre.
Gjithçka nisi me takimin e 19 shtatorit kundër Lionit në kampionat kur PSG-ja fitonte 2-1 falë një goli të Ikardit në minutën e 93-të. Teksa akti i fundit për momentin është luajtur të mërkurën në Champions ndaj Realit.
