Interi arriti të kualifikohej për në fazën gjysmëfinale të Kupës së Italisë mbrëmë ndaj Romës në stadiumin “Giuseppe Meazza” me rezultatin 2-0, falë golave të Edin Xhekos dhe një “perle” të Aleksis Sançez, respektivisht në minutat 2′ dhe 68′.
Sipas faqes së statistikave “OPTA Paolo”, Edin Xheko ka shënuar në dy minutat e para të lojës gjatë një ndeshje në të gjitha kompeticionet, për herë të parë që në mbërritjen e tij në Itali me Romën gjatë sezonit 2015/2016.
Një statistikë e veçantë kjo për bomberin boshnjak, i cili e kryen sërish edhe me fanellën zikaltër të Interit.
Në këto 22 ndeshje të zhvilluara në Serinë A, Xheko ka realizuar 9 gola dhe ka dhuruar 3 asiste aktualisht në këtë sezon.
2 – Edin #Dzeko ha segnato nei primi due minuti di gioco di una partita, considerando tutte le competizioni, per la prima volta dal suo arrivo in Italia nel 2015/16. Fiamme.#InterRoma #CoppaItalia
— OptaPaolo 🏆 (@OptaPaolo) February 8, 2022