Dushan Vlahoviç mbërriti te Juvja me shumë bujë, duke kujtuar edhe shpenzimin marramendës për të: 70 milionë euro, plus 10 milionë të tjera në formë bonusesh, plus 7 milionë euro neto rrogë futbollistit, të paktën për tri vite e gjysmë (skadenca 30 qershor 2026, por me opsionin për një tjetër sezon).
Gjithsesi, sulmuesi serb, i cili zbarkoi për vizitat mjekësore, të premten e 28 janarit, mësohet se ka thyer karantinën, të cilën e ka mbyllur një ditë përpara afatit.
Këtë lajm e solli në vëmendjen e medias Agjencia Sanitare Lokale e Firences, e cila në respektin të ligjeve italiane, do të prononcohet sot për këtë gjë, me Vlahoviçin që ndoshta pritet të gjobitet.
