Presidenti i FSHF-së, Armand Duka, i cili kërkonte mandatin e tij të 6 në drejtimin e futbollit shqiptar, ka bërë sot prapakthehu dhe ka deklaruar se do të kërkojë në Asamblenë e 2 marsit që zgjedhjet të zhvillohen në një datë tjetër, pasi të sqarohet çështja e Shoqatave Rajonale. Lajmi është trumbetuar edhe në agjencitë ndërkombëtare, me “Associated Press” që ka raportuar fjalët e Dukës në postimin e tij rreth këtij vendimi.
“Një gjykatë shqiptarë të hënën pezulloi Dukën dhe dy zyrtarë të tjerë nga postet e tyre. Federata ka qenë në konflikt me Bashkinë e Tiranës, një prej aksionerëve të një prej anëtarëve kryesorë të FSHF-së, të cilën e akuzon për korrupsion dhe manipulimin e procesit të votimit”, shkruhet në artikullin e agjencisë së njohur ndërkombëtare të lajmeve.
