Liridon Krasniqi ka gjetur dashurinë. Futbollisti që po korr sukses në Azi me skuadrat si Kedah, Melaka United, Johor, Newcastle Jets e së fundmi në Odisha të Indisë, është shfaqur më i dashuruar se kurrë.
Agonita është shqiptarja që i ka fituar zemrën sportisti dhe që mesa duket nuk kursehet aspak. Ai dhe vajza që jeton në Zvicër kanë kaluar disa ditë në Dubai, ku në rrjetet sociale nuk kanë munguar pozat romantike në vendet më luksoze.
Çifti është fotografuar duke darkuar në një nga restorantet më luksoze të botës, ku darka kap shifrat e mijëra eurove. Këto janë pushimet e para të kësaj dysheje, që sapo kanë nisur të ekspozojnë njëri-tjetrin në rrjetet sociale. E nëse darkat romantike nisin nga destinacione kaq të kushtueshme, mund ta imagjinojmë sesi do t’i shohim në të ardhmen dy të rinjtë.
