Mediat spanjolle pranë Barcelonës kanë bërë me dije se klubi katalanas është fare pranë zyrtarizimit të afrimit të parë të merkatos së verës.
Bëhet fjalë për mbrojtësin e Çelsit, Andreas Kristensen. Danezi flitet prej kohësh si një nga objektivat e drejtorit Alemani. Për më shumë që bëhet fjalë për një lojtar do të vijë me parametra zero.
Kontrata e tij me Çelsin përfundon në mbyllje të sezonit dhe danezi, sipas të gjitha gjasave, ka zgjedhur Barcelonën.
Gazeta “Sport” ka raportuar se Kristensen i ka konfirmuar Barcelonës dëshirën për t’iu bashkuar këtij klubi.
Një qëndrim i tillë i mbrojtësit të Çelsit ka shtuar zërat se firma e tij mund të vijë shumë shpejt, pa pritur qershorin.
