Roman Abramovic ka konfirmuar përfundimisht shitjen e aksioneve të klubit të Chelseat dhe disa biznesmenë të famshëm janë gati të futen në garë për tu bërë president të kampionëve të Europës dhe botës.
Kandidati i fundit që ka hyrë në listë për të marrë aksionet e klubit të Londrës është legjenda e MMA-së, Conor McGregor. Me anë të një postimi të tij në Twitter, irlandezi ka dërguar një mesazh ku shkruhej: “Chelsea në shitje për 3 miliardë paund, le ta blejmë”.
Më pas McGregor postoi një video të animuar të vetes duke vizituar seksione të ndryshme të terrenit stërvitor dhe zyrave të Chelsea-t.
Është një zbulim interesant që McGregor është i interesuar të blejë Chelsean, pasi ai njihet si një tifoz i Manchester United . Ai madje ka shprehur interesimin e tij për të blerë Djajtë e Kuq në të kaluarën.
Nëse irlandezi mund ta përballojë apo jo një çmim të tillë të lartë, mbetet të shihet. 33-vjeçari fiton midis 25-50 milionë paundë për luftë në UFC, gjë që varet shumë nga shifrat e pagesës për shikimet.
Push it to the limit! @ChelseaFC pic.twitter.com/UFZUGwnwbO
— Conor McGregor (@TheNotoriousMMA) March 2, 2022
Marka e tij e uiskit Proper No12 doli të ishte fituesi i tij më i madh, me McGregor që raportohet se shiti shumicën e aksioneve të tij në kompani për 430 milionë paund vitin e kaluar.
Pra, megjithëse ai është një njeri shumë i pasur, McGregor me patjetër duhet të mbështetet tek investitorët e tjerë nëse do të ishte vërtet serioz për blerjen e Bluve të Londrës.
Kjo gjë është marrë dhe si një formë shakaje nga ana e fansave, por McGregor gjithmonë ka qenë i paparashikueshëm dhe ndoshta mund të shfaqi vërtetë kandidaturën për klubin anglez.
