Derbi i kryeqytetit është mbyllur sot pa fitues, pasi Tirana dhe Partizani kanë ndarë pikët në barazimin pa gola.
Një sfidë e cila ka parë më shumë protagonistë tifozët në tribuna se skuadrat në fushë, pasi mbështetësit e dy ekipeve kanë ndërprerë disa herë ndeshjen me fishekzjarrë, duke ndikuar ndoshta edhe në ritmin e sfidës.
Skuadrat prodhuan shumë pak, duke menduar më shumë të mos gabojnë, me vetëm një rast të Xhixhës në fraksionin e parë të lojës për bardheblutë dhe një tjetër të Zhunior në të dytën. Por vetëm kaq, shumë pak për të arritur në nivelin që pritet nga një ndeshje e tillë.