Shumë vende janë solidarizuar me atë po ndodh në Ukrainë, teksa Perëndimi në bllok ka ndërmarrë sanksione ekonomike ndaj Rusisë dhe ka dhënë mbështetje ndaj ukrainasve, veçanërisht në dërgimin e armatimeve.
Solidariteti ka zbritur edhe në stadiumin ‘Air Albania’, ku tifozët e derbit Tirana-Partizani që po luhet në këto momente kanë shpalosur një banderolë ku shkruhet: Jemi me Ukrainën.
Ukraina gjendet prej dhjetë ditësh në një konflikt të përgjakshëm me Rusinë, duke prodhuar viktima të shumta dhe një krizë të jashtëzakonshme humanitare, ku një pjesë e mirë e ukrainasve janë larguar nga vendi i tyre, kryesisht drejt Polonisë dhe vendeve të tjera të Evropës.
