Porto mbrëmjen e djeshme ka festuar si mysafir te rivali i madh Benfika teksa triumfoi me rezultatin 0-1 duke siguruar kështu titullin e 30-të jubilar në kampionatin portugez.
Tifozët e Portos dolën në rrugët e këtij qyteti pas fitores dhe festuan titullin e ri deri në orët e para të mëngjesit. Festa kryesore ishte në “Dragao”, por fatkeqësisht përfundoi tragjikisht.
Mediat portugeze kanë raportuar se njëri nga tifozët e klubit ka ndërruar jetë në stadium. Bëhet fjalë për 26-vjeçarin Igor Silva i cili u godit me thikë nga një tjetër tifoz i klubit rival.
ambulanca
Konflikti mes të dyve nisi në ndeshjen në Lisbonë, dhe vazhdoi pas kthimit në shtëpi. Silva u godit me thikë për vdekje dhe e dashura e tij që u përpoq ta ndihmonte u plagos rëndë. Ajo u dërgua në spital dhe ndodhet në gjendje të rëndë.
