Mund t’ju them vetëm që do të largohem që këtej”, është fjalia që mësohet të ketë thënë Arturo Vidal, e sjellë nga spanjollja “Las Ultimas Noticias”, sipas së cilës mesfushori e ka deklaruar largimin mes miqve të tij.
Për ta përforcuar ka menduar vetë kiliani i Interit që në profilin e tij në “Instagram” ka bërë një sondazh mbi klubin e ardhshëm të tij, ku si opsion kishte vendosur Flamengon dhe Kolo Kolon.
Sipas rezultatit të postuar nga 34-vjeçari i Interit, kanë fituar brazilianët, klub që jo pak herë është përfolur si e ardhmja e tij. Vidal që mund të ndërpresë kontratën një vit para përfundimit pritet të zgjedhë Flamengon për vazhdimin e karrierës.
