Futboll Sport

OFERTA E PARË SHKAKTOI MOSMARRËVESHJE/ Ja tre arsyet pse Levandovski do të largohet nga Bajerni

Bajerni dëshiron të ketë golashënuesin më të mirë Robert Levandovskin në radhët e tyre pasi kontrata e tij të përfundojë në 2023-shin. Sidoqoftë, oferta e parë nga klubi ka shkaktuar jo pak mosmarrëveshje mes palëve. Bajerni e di që polaku kërkon më shumë para për më shumë sezone, ndërkohë që lojtari mund të ikë nëse ai nuk do të kënaqet nga propozimet e drejtuesve bavarezë.

PA ENTUZIAZËM: Bajerni aktualisht po përpiqet të zgjasë kontratën për sulmuesin më të mirë në vitet e fundit, kontrata aktuale e të cilit skadon në verën e vitit 2023. Megjithatë, lojtari nuk dha përshtypjen se ishte i kënaqur me një ofertë të parë që 33-vjeçarit i është bërë nga klubi, sipas “SPORT 1”.

IDE TË TJERA: Sipas medieve gjermane, oferta e paraqitur nga Bajerni për Levandovskin korrespondon me një propozim për rinovim deri në vitin 2024 për ndërkombëtarin polak. Ai është “revoltuar” për këtë, si dhe për rrogën e përmendur. Bisedimet e mëtejshme tani janë në pritje.

E ARDHMJA E PASIGURT: Vetë Levandovski deri më tani nuk ka komentuar pothuajse të ardhmen e tij. Megjithatë, një largim i superyllit do të ishte një humbje e madhe për kampionët e Bundesligës. Në fund të fundit, Levandovski shënoi 34 gola vetëm në 33 ndeshje në kampionat. Barcelona nuk ka hequr dorë nga polaku dhe vetëm të dielën e rriti ofertën për bomberin e Bajernit. Katalanasit janë gati të shpenzojnë 40 milionë euro për golashënuesin më të mirë të kampionatit.

PANORAMASPORT.AL

Related posts

ITALIA VIJON TË MREKULLOJË/ Shifra dhe rekorde të pabesueshme, spikat mbajtja e topit

Delo.autor

PO SHKËLQEN TEK “ZIKALTËRIT”/ “La Gazzetta dello Sport” për talentit shqiptar: Inter, e ardhmja është Zefi? Gol dhe… (VIDEO)

Delo.autor

BARCELONA “ÇMENDET” PAS NEYMAR/ Oferta e radhës është e frikshme

bora.autor

Leave a Comment