Elvis Plori do të jetë trajneri i ri i skuadrës Vllaznia U-21.
Ish-trajneri i ekipit të parë të shkodranëve i është besuar posti i skuadrës së 21-vjeçarëve dhe njëkohësisht do të marrë edhe një detyrë të re si promovues i talenteve të Akademisë kuqeblu.
Këtë lajm e ka bërë me dije vetë Akademia e Vllaznisë me anë të një komunikate në profilin e saj të rrjetit social “Facebook” duke njoftuar se nga e mërkura e ardhshme, Plori do të nisë këtë aventurë të re.
KOMUNIKATA E AKADEMISË SË VLLAZNISË –
“ZYRTARE
KF Vllaznia bën të ditur se ka emëruar z. Elvis Plori në postin e trajnerit të ekipit U21. Njëkohësisht ai do të kryejë edhe detyrën e promovuesit të talenteve të Akademisë tonë.
Plori do të nisë punën me ekipin U21 nga e mërkura e ardhshme dhe ne i urojmë suksese në detyrën e tij të re!”
