PSG duket se nuk kërkon të ndalet në këtë merkato. Pasi siguroi shërbimet e Renato Sançezit, klubi francez tani është në kërkim të një tjetër mesfushori. Bëhet fjalë për spanjollin e Napolit, Fabian Ruiz.
Siç raportohet nga “Corriere dello Sport”, PSG është gati t’i ofrojë Napolit 25 milionë euro, plus Kejlor Navasin, i cili është një nga objektivat kryesorë të merkatos për Spaletin.
Palët mund të bien dakord, pasi spanjolli nuk është i lumtur me situatën te klubi italian dhe Napolin duket se po e tërheq kjo ofertë.