Shqipëria zhgënjeu në këtë edicion të Nations League duke përfunduar e fundit me vetëm 2 pikë në 4 ndeshje me rivalët e Izrael dhe Islandë. Në mungesë të rezultateve, faji i “faturohet” gjithmonë trajnerit.
Kontrata e Edy Reja me FSHF, e cila nuk pritet të rinovohet, skadon në nëntor të këtij viti dhe ndaj Islandës ai drejtoi për herë të fundit kuqezinjtë në një ndeshje zyrtare. Pasi ato të rradhës janë miqësoret me Arabinë Saudite dhe Italinë.
Rey Manaj, i cili mungonte për shkak dëmtimi, i ka dalë në mbështetje teknikut italian teksa në rrjetin e tij social, Instagram, ka postuar një story ku e quan 78-vjeçarin si më i miri.
