Për të ka dy pseudonime të forta: I pari është “Dhuruesi i ekstazive”, ndërsa tjetri është “Njeriu i mrekullive”. Dhe këto pasi Rami Bensebaini është njeriu i goditjeve të papritura, ai që thyen parashikimet. Siç ndodhi për shembull në 7 dhjetor 2019, kur me një dopietë (e para në karrierë) shtriu në tapet Bajernin e Mynihut, duke përmbysur shifrat nga 0-1 në 2-1 për Gladbahun.
Ndërkohë, pak muaj më parë, përpara se të transferohej në Bundesligë, kishte ndihmuar ekipin e Ren që të fitonte Kupën e Francës, përballë super-favoritëve të PSG-së, me mbrojtës-mesfushorin e majtë, i cili pas golit që e dërgoi finalen te penalltitë, goditi saktë edhe 11-metërshin që solli trofeun e parë te Ren pas 50 vitesh.
Por nuk mbaron me kaq, duke qenë se në 2019-ën u shpall së bashku me Benaserin lojtarët më të mirë të Kupës së Afrikës, pasi Algjeria fitoi trofeun.
Por ky hajmali, ky futbollist që i pëlqen të marrë të gjithë korsinë e majtë përsipër, mund të jetë në janar një futbollist i Juventusit.
Madje, gjermania “Bild” garanton se bardhezinjtë e kanë bllokuar tashmë Bensebainin, pasi ky është në skadencë kontrate dhe nuk pranon të rinovojë me Mynshengladbahun.
Prandaj, gjermanëve u intereson ta shesin që të fitojnë 6 milionë eurot që ka ofruar “Zonjë e Vjetër” dhe pse jo të gjejnë kështu një lideri të ri të korsisë së majtë, pasi Aleks Sandro ka vite që ka humbur dëshirën për të luajtur.
