“Ai nuk e ka harruar punën e mbrojtësit. Një largim me kokë i rëndësishëm që ia vlen ta duartrokasësh”.
Kështu ka përmbledhur “Gazzetta dello Sport” në analizën e saj, paraqitjen e bërë nga mbrojtësi i Barcelonës, Xherard Pike, për ato pak minuta që u aktivizua në mesjavë në Ligën e Kampioneve.
Dhe me sa duket mbrojtësi veteran ka nisur të ndryshojë historinë e tij te Barcelona.
Nga i pallogaritshëm në skuadër, atij i ka ardhur shansi në derë për të fituar vendin e titullarit dhe për të vënë në vështirësi kolegët e tij.
Dëmtimet e Arauhos, Kundesë, Kristensenit e kanë futur në krizë mbrojtjen e Barcelonës dhe Xherard Pike së bashku me Erik Garsian janë të vetmit qendërmbrojtës që Ksavi i ka në dispozicion dhe të padëmtuar.
Pike, i cili e dinte se ishte dënuar praktikisht nga Ksavi dhe për një moment mendoi se situata e tij nuk do të ndryshonte, e sheh veten përpara mundësisë së sezonit. Nëse del mirë nga kjo “tango” e fundit…
