Champions League dhuroi një mbrëmje të zjarrtë sonte. Milan ia doli të kualifikohej në gjysmëfinale, pasi eliminoi Napolin. Nuk ishte asgjë e lehtë për kampionët e Italisë, të cilët kishin fituan 1-0 në ndeshjen e parë, ndërsa sonte në Stadio Diego Armando Maradona (Naples) sfida përfundoi 1-1.
Pjesa e parë do shihte Olivier Giroud si djall dhe si ëngjëll. Kuqezinjtë fituan penallti në minutën e 22-të pas një kontakti Mario Rui-Leao. Sulmuesi Giroud do bënte më të vështirën duke humbur 11-metërshin, merita i takoi edhe portierit Meret që priti goditjen. Ekipi i Piolit do merrte epërsinë në fundin e fraksionit falë francezit, i cili shfrytëzon në maksimum asistin e Leaos, pas një super-sprinti të portugezit.
Ekipi i Spalletit kishte shansin e artë për t’u futur në lojë 10 minutat e fundit, Tomori prek topin me dorë në zonë dhe arbitri sinjalizoi nga pika e bardhë. Hero bëhet Maignan, portieri i mohoi golin Kvaras. Napoletanët realizuan në fund me Osimhen, por më kot, pasi fati i kualifikimit ishte vulosur.
Feston Milan në fund dhe pret të mësojë kundërshtarin e gjysmëfinales, i cili do dali nga çifti Inter-Benfica.
Real Madrid nuk hasi probleme në Londër. Los Blancos kishin fituar 2-0 në ndeshjen e parë ndaj Chelsea, ndërsa sot triumfuan 2-0. Rodrygo ishte në formë në “Stamford Bridge”, pasi realizoi dopietë. Ekipi i Ancelottit shkon kështu në gjysmëfinale, ku do luajë ndaj fituesit të çiftit Manchester City-Bayern.
