Napoli ka njoftuar zyrtarisht ardhjen e mbrojtësit Natan Bernardo De Souza nga RB Bragantino, skuadër kjo e cila luan në Brazil.
Pasi shqyrtoi një numër opsionesh, duke përfshirë Kevin Danso të RC Lens, kampionët e Italisë vendosën të investojnë për Natan dhe ra dakord për një marrëveshje me vlerë rreth 10 milion € me klubin e Serie A braziliane.
Siç u njoftua sot, Natan ka nënshkruar kontratë për pesë vite dhe do të zëvendësojë të larguarin Kim.
Qendërmbrojtësi brazilian 22-vjeçar zhvilloi 103 paraqitje në të gjitha garat për RB Bragantino, duke shënuar tre gola dhe duke dhënë dy asistime. Ai ishte pjesë e skuadrës së Flamengos që fitoi titullin e Brazilit në vitin 2020.
