Christian Horner është shkarkuar menjëherë nga Red Bull pas 20 vitesh si drejtor i ekipit të Formula 1. Horner, 51 vjeç, ishte shefi më jetëgjatë i F1, pasi u bë drejtor i përgjithshëm gjatë themelimit të saj në vitin 2005.
Kjo lëvizje vjen një vit pas ‘skandalit të mesazheve seksuale’ që e përfshiu atë për shkak të mesazheve që me sa duket i dërgoi një punonjëseje.
Drejtori menaxhues i Red Bull, Oliver Mintzlaff: “Dëshirojmë të falënderojmë Christian Horner për punën e tij të jashtëzakonshme gjatë 20 viteve të fundit. Me përkushtimin e tij të palodhur, përvojën, ekspertizën dhe mendimin inovativ, ai ka qenë i rëndësishëm në krijimin e Red Bull Racing si një nga ekipet më të suksesshme dhe tërheqëse në Formula 1. Faleminderit për gjithçka, Christian, edhe ti do të mbetesh përgjithmonë një pjesë e rëndësishme e historisë së ekipit tonë”, tha ai.
Laurent Mekies është emëruar drejtori i ri ekzekutiv i Red Bull, duke lënë pas detyrën te ekipi Racing Bulls, pjesë e Red Bull.
Alan Permane, i cili ishte Drejtor i Garave në skuadrën me seli në Faenza, merr përsipër detyrën e shefit të Racing Bulls.
Polemikat me Horner – Ai ka qenë subjekt i raporteve të shumta në muajt e fundit në lidhje me të ardhmen dhe autoritetin e tij brenda ekipit. Pasi u bënë akuza për jetën e tij private, Horner u tha se ishte nën presion nga qarqe të caktuara rreth ekipit, përfshirë babain e pilotit kryesor Max Verstappen, Jos.
