Nuk ka më dyshime. Vedat Muriqi do të vijojë të qëndrojë te Mallorca. Lajmi është bërë publik nga klubi, nëpërmjet një postimi në rrjetet sociale.
Sulmuesi dardan ka rinovuar kontratën me skuadrën nga Mallorca dhe do të vazhdojë të kontribuojë për këtë ekip deri në vitin 2029.
“Historia e Piratit do të vazhdojë të shkruhet në Mallorca.Vedat Muriqi dhe RCD Mallorca kanë arritur një marrëveshje për të rinovuar kontratën deri në vitin 2029”, thuhet në njoftimin e klubit.
