Ylli i Kombëtares shqiptare, Armando Broja, debutoi me asist te klubi i Bërnlit, në duelin ndaj Derbit, të vlefshëm për raundin e 1/32-ve të EFL Cup, që përfundoi me rezultatin 2 me 1 për skuadrën e sulmuesit kuqezi. Broja ishte i rreshtuar mes titullarëve në radhët e skuadrës së Bërnlit dhe që në minutën e katërt të takimit, me prekjet e para, ai u tregua vendimtar.
Pasi mori topin në zonë, Broja shmangu mbrojtësit dhe pasoi për Ramsei i cili me një gjuajtje të shpejtë shënoi golin e avantazhit për ekipin e Bërnlit, duke falënderuar Brojën për asistin e dhënë.
Sulmuesi shqiptar qëndroi në fushë 63 minuta, duke i lënë vendin Barnes. Broja u vlerësua me notën 6.5 nga faqja e specializuar e statistikave “Sofa Score”. (MOMENTI I ZËVENDËSIMIT)
23-vjeçari e preku 21 herë topin, duke realizuar 10 pasime të sakta.
.
