Klubi i Milanit zyrtarisht është në shitje. Biznesmeni kinez Yonghong Li që mori përsipër administrimin dhe financimin e “Djallit” është i detyruar të heqë dorë nga drejtimi i Milanit sepse ende nuk ka shlyer borxhin prej 32 milionë € për të rritur kapitalin financiar të klubit.
Grupi amerikan i grumbullimi të fondeve “Elliot Fund” ka marrë deri më tani 99.7% të aksioneve të skuadrës për t’ia shitur klientit më serioz që do të menaxhojë 7-herë kampionët e Europës. Flitet se deri më tani një kandidat pretendent është princi saudit Al-Falasi, që ështrë në gjendje të blejë të gjitha aksionet e klubit italian duke vënë në bankë 415 milionë €.
Ndërkohë pronësia e Milanit do të vendoset me shumë gjasa javën e ardhshme dhe blerësi do të jetë ai që do të ofrojë më shumë kapital financiar.
