Migjen Basha pritet të kalojë tek klubi grek i Arisit të Selanikut. Lajmi bëhet i ditur nga mediat e vendit fqinj, sipas të cilave palët kanë rënë dakort për termat e kontratës dhe këtë javë pritet të kryhen testet mjekësore dhe më pas firmosja e saj.
Në këtë mënyrë mesfushori mbyll aventurën e tij në Itali ku dy sezonet e fundit është aktivizuar me Barin.
Arisi këtë sezon do të luajë në elitën e futbollit grek pas mungesës prej disa sezonesh, ndërkohë që më parë u përfol shumë edhe një rikthim i mundshëm i mbrojtësit të Skënderbeut Kristi Vanglei tek skuadra nga Selaniku.
