Cristiano Ronaldo ka fituar çmimin Lojtari më i Mirë Ndërkombëtar në ceremoninë e 2018-ës të ESPY gjatë ceremonisë që është zhvilluar në Microsoft Theater të Los Angeles ditën e mërkurë.
Ronaldo mori çmimin pas triumfit në Champions League për të pestën herë. Golat e tij kanë ndihmuar Real Madrid të fitojnë trofeun për të tretën herë radhazi, pas fitores 3-1 ndaj Liverpool.
Ronaldo e mbylli sezonin me 44 gola dhe tetë asiste në të gjitha kompeticionet. Ish-lojtari i Manchester United ka qenë në formë të shkëlqyer përpara portës edhe këtë vit.
Tashmë ai është larguar nga Spanja për t’iu bashkuar Juventusit në Itali.
Duke parë formën e tij në Champions League, mbase ka ardhur koha që trofeu më prestigjioz europian të rikthehet në Torino pas 22 vitesh.
