70 milionë Euro. Kjo është shuma që trajneri i Manchester United, Jose Mourinho i ofron skuadrës së Leicester për kartonin e Harry Maguire.
25-vjeçari zhvilloi një Botëror shumë të mirë me kombëtaren angleze duke tërhequr kështu vëmendjen e portugezit, i cili e shikon futollistin si një përforcim të vlefshëm për repartin e mbrojtjes.
Shuma e ofruar nga “Djajtë e kuq” është e konsiderueshme, por vështirë se drejtuesit nga “King Power Stadium” ta lënë të lirë lojtarin, pasi Maguire konsiderohet shumë i rëndësishëm nga trajneri Claude Puel për të ardhmen e skuadrës.
