Të qënit një futbollist dhe një trajner në Belgjikë nuk do të thotë që je Belg. Besnik Hasi do të vijojë karrierën e tij si trajner në Arabinë Saudite ku është emëruar në krye të stolit të Al-Raed FC që luan në elitën e futbollit saudit.
Lajmi është zyrtarizuar nga vetë klubi, ndërkohë që bie në sy se mesa duket arabët nuk e dinë që në fakt Besnik Hasi është shqiptar, duke e pritur atë me flamurin belg në postimin zyrtar të mirëseardhjes.
Hasi së fundmi drejtoi gjigantët grekë të Olimpiakos, ndërsa më parë ka qenë trajner edhe i Legias së Varshavës dhe Anderlehtit, ku ka luajtur si futbollist.
