Lewis Hamilton konfirmohet si një mjeshtër i jashtëzakonshëm i garave nën shi, teksa ka siguruar pole position-in në Çmimin e Madh të Hungarisë.
Ndryshe nga provat e lira, të cilat u zhvilluan në mot të qëndrueshëm dhe u dominuan nga makinat Ferrari, krejt e kundërta ndodhi në provat zyrtare, ku të parat u renditën dy makinat Mercedes, me Hamilton dhe Bottas.
Vetëm vendi i tretë për Kimi Raikkonen, ndërsa Sebastian Vettel, i cili dje dominoi provat e lira, u rendit në vendin e katërt, duke shfaqur probleme të shumta.
Shiu solli probleme edhe për skuderinë Red Bull, pasi Verstappen u rendit në vendin e 7 dhe Ricciardo në të 12-in.