Igli Tare arriti akordin me Sevillan për të sjellë te Lazio, fantazistin argjentinas, Joaquin Correa, i cili do të zëvendësojë brazilianin Felippe Anderson, që u largua nga bardhekaltrit këtë verë.
Argjentinasi 23-vjeçar ka luajtur edhe më herët në Serinë A, pikërisht te Sampdoria në sezonin 2015-2016, prej ku u largua drejt Andaluzisë në verën e 2016-ës.
Bashkë me Correan, në Itali do të vijë edhe e dashura e tij, modelja e njohur spanjolle, Desire Cordero, e cila pranoi se po përgatitet për një tjetër jetë tashmë.
Natyrisht që ky detaj nuk i ka shpëtuar medias rozë, pasi Cordeiro ka pasur një marrë dhënie disa mujore edhe me yllin portugez të Juventusit, Cristiano Ronaldo, gjatë kohës që ky i fundit luante për Realin e Madridit.
