Ish-mesfushori i Kamerunit, Modeste M’bami, është ndarë nga jeta në moshën 40-vjeçare.
Siç raportojnë mediat, ai pësoi një arrest kardiak në shtëpinë e tij në Le Havre të Francës.
M’bami, i cili u shpall kampion në Lojërat Olimpike “Sidnej 2000” me Kamerunin, ka luajtur me skuadra si PSG dhe Marsejë, ku te kjo e fundit ka qenë shok skuadre dhe me ish-kapitenin e Kombëtares shqiptare, Lorik Cana.
Ai i dha fund karrierës futbollistike në vitin 2016 me skuadrën e Le Havres në Francë.
