Mesfushori Amir Abrashi ka vuajtur shumë në dy vitet e fundit, pasi është përballur me dëmtime të rënda. Shqiptari është lojtar i rëndësishëm te skuadra gjermane, pasi ka besimin e klubit, pavarësisht se ka qëndruar prej një kohe të gjatë jashtë fushe.
Ai u dëmtua në një ndeshje kundër Hertës së Berlinit 4 muaj e gjysmë më parë. “Pitbulli” dëmtoi gjurin e tij, çka e detyroi të qëndronte jashtë prej asaj dite e deri tani. Shtatshkurtri e ka kaluar dëmtimin dhe ka nisur vrapimet rreth fushës. Lojtari ende nuk është bashkuar me ritmin e skuadrës për rikthimi i tij po shkon në mënyrën e duhur.
“Kam nisur vrapimet dhe kam filluar të punoj pak me top. Riaftësimi im po shkon në mënyrën e duhur. Kam ende për të dhënë për Freiburgun”, – u shpreh ai për kanalin zyrtar të klubit gjerman.
Grüße von Amir #Abrashi 👏 #SCF pic.twitter.com/8KZXvSmXYE
— SC Freiburg (@scfreiburg) July 30, 2018
