Fiziku i Cristiano Ronaldo? Meritë e stërvitjeve të vazhdueshme, djerse dhe sakrificash. Por duhet thënë se ka edhe ndihmën e elektronikës, si në rastin e “Sixpad”.
Ashtu si bën të ditur “The Sun”, kompania japoneze dhe talenti portugez kanë rinovuar bashkëpunimin. Jo më kot, por një trup si ai i Cristiano Ronaldo është reklama më e mirë për kompanitë që merren me shëndetin.
“I kam thënë gjithmonë vetes se sakrificat e vazhdueshme shërbejnë për të përmirësuar aftësitë e mia dhe është çelësi për të bërë më i miri i botës.” U tha, u bë, edhe pse Messi nuk do të ishte shumë dakord.
Portugezi, prej kohësh i kujdesshëm karshi inovacioneve teknologjike, ka shkuar deri aty sa stërvitet në një dhomë me mungesë të gravitetit, i ndihmuar nga NASA.
Ai bazohet shumë edhe te produktet që favorizojnë kapacitetin simulues të muskujve, nëpërmjet mini impulseve elektrike, gjatë ushtrimeve.
Praktikisht një stimulim nga faktorë të jashtëm i jep muskulit mundësinë të punojë më i përqendruar, edhe më mirë se paletra.
Me pak fjalë, Cristiano Ronaldo stërvitet edhe kur nuk stërvitet, kështu shpjegohet që trupi i tij është si i një 23-vjeçari, edhe pse pasaporta tregon 33 vjeç. Për këtë kanë meritë “Sixpad” dhe NASA.
