Pavarësisht fitores së thellë dhe të pastër 5-0 që Liverpool arriti ndaj Napolit në miqësore, trajneri i “reds” Jorgen Klopp shprehet se skuadra e tij nuk është ende e kompletuar. Trajneri gjerman shpreson që klubi të realizojë edhe një blerje të fundit deri në mbylljen e merkatos. “Të shohim se çfarë do të ndodhë. Ka mundësi që të ketë edhe një blerje të madhe në minutat e fundit”, tha Klopp.
Ai gjithashtu konfirmoi largimin e disa lojtarëve, si Divock Origi dhe Danny Ings. “Nuk mund të mbajmë peng askënd, ndaj do t’i lëmë të lirë të largohen dhe të gjejnë një ekip ku mund të luajnë më shumë”, tha Klopp.
Por trajneri është më shumë i përqendruar te blerja e një lojtari “big” se sa te largimi i futbollistëve që sipas tij janë të panevojshëm për skuadrën. “Nëse do të ketë një lojtar të lirë që ka dëshirë të luajë për Liverpool do të ndërhyjmë. Nuk mund të them ndonjë emër konkret, por të shohim. Ne mund t’u dhurojmë fansave një blerje të fundit”, u shpreh Klopp.
