Pas Lucas Digne vjen radha e Yerry Mina. Everton dhe Barcelona kanë arritur marrëveshjen dhe pasi të kryejë vizitat mjekësore nesër në mëngjes mbrojtësi kolumbian do të transferohet te skuadra angleze.
Katalanasit kanë pranuar 32 milionë euro, ndërsa Mina do të firmosë për pesë vitet e ardhshme me ekipin liverpulas, që pak ditë më parë mori shërbimet e Digne, sërish nga Barça.
Mina, që bëri një paraqitje shumë të mirë në Kupën e Botës, duke shënuar tre gola për Kolumbinë, nuk ishte në planet e Ernesto Valverde, i cili e lejoi largimin e tij.
Për të u interesua edhe Manchester United, por ekzistonte i njëjti rrezik për të qëndruar në stol, si në “Camp Nou”, kësisoj mbrojtësi këmbënguli për të shkuar te Everton.
