Dje kampionati rus vazhdoi me takimet e javës së dytë dhe në stadiumin e Akhmat Groznyt ku u përballën vendasit me debutuesit e Premier League-ës Ruse Yenisey.
Ky takim ka shërbyer dhe si “duel midis shqiptarëve” pasi te Grozny luajnë tre futbollistë: Roshi, Balaj dhe Berisha kurse në krahun tjetër ish-futbollisti i Skënderbeut qëndroi në stol teksa ekipi i tij luante ndeshjen e javës së dytë.
Vendasit dolën fitues pasi ka mjaftuar goli i Ivanov të cilat garantuan tre pikët për Akhmat Groznyn.
Kënaqësinë për fitoren e parë në edicionin e ri të kampionatit rus, futbollisti i Kosovës Berisha e ka ndarë në rrjetin e tij social “Instagram”.
” Jam shumë i lumtur me 3 pikët në shtëpi! Zoti është i Madh!”
Roshi luajti 90 minuta, kurse Balaj dhe Berisha u zëvendësuan në pjesën e dytë respektivisht në minutën e 72-të dhe 78-të. Ndërsa Gavazaj u la në stol nga tekniku i Yeniseyt Dmirty Alenichev.
