Skuadra e Barcelonës i ka dorëzuar numrin 7 që mbante mesfushori turk Arda Turan futbollistit Philippe Coutinho. Lajmin e ka zyrtarizuar vetë klubi katalanas.
Sezonin e kaluar 26-vjeçari mbajti numrin 14 dhe këtë sezon të ri ai pritet të shpërthejë me kampionët në fuqi të Spanjës, të cilët janë përforcuar shumë me ardhjen e shkatërruesit kilian Arturo Vidal. Numri pritet t’i sjellë fat brazilianit pasi në botën e futbollit atë e kanë mbajtur dhe emra të mëdhenj si Cristiano Ronaldo, Beckham, David Villa, etj.
