UFC-ja më në fund e ka bindur Conor McGregor të rikthehet në kafaz pas dy vitesh dhe më 6 tetor, do të duelojë për titullin kampion bote të peshës së lehtë ndj Khabib Nurmagomedov. Presidenti i UFC-së, Dana White, në një deklaratë për emdiat ka konfirmuar se irlandezi do të paguhet mjaft mirë për rikthimin në kafaz, pa bërë me diej shumën që McGregor do të përfitojë.
“Ai nuk është një partner apo pronar, por do të paguhet si i tillë për këtë sfidë. Conor do të bëjë shumë para, njësoj sikur të ishet bashkëpronar me ne”, tha presidenti i UFC-së, Dana White. Në duelin e boksit që Conor McGregor zhvilloi një vit më parë ndaj Floyd Mayweather, irlandezi arkëtoi 100 milionë dollarë. Duket se irlandezi do të kapë një shumë të majme në këtë event të radhës.
