Alvaro Morata është një nga futbollistët më simpatikë dhe të dashur për tifozët në përgjithësi. Që nga aventura te Reali, më pas te Juventus e tashmë tek Chelsea, ai gjithnjë është komentuar pozitivisht nga trajnerët si një lojtar i edukuar dhe punëtor.
Ai nuk nguron asnjëherë që t’ja shprehë dashurinë bashkëshortes së saj në rrjetet sociale dhe jo vetëm. Alice Campello, partnerja e tij italiane solli në jetë dy binjakë më 29 qershor, të cilët i pagëzuan me emrin Alessandro dhe Leoandro. 25-vjeçari shënoi golin e dytë në fitoren 3-2 ndaj Arsenal ditën e djeshme dhe ia dedikoi bashkëshortes së tij dhe djemve.
Në një foto të postuar në profilin e tij zyrtar në “Instagram” lojtari shihet në fushë ndërsa ia drejton gishtin gruas së tij që ndodhet në tribunë. Duke lënë të nënkuptojmë që goli i dedikohet asaj. Karshi fotos ai ka shkruar: “Ty që je mbështetja ime më e madhe, Alice Campello. Juve që jeni gjëja më bukur që kemi bërë. Para Chelsea”.
Në këtë postim bie në sy tatuazhi që lojtari ka bërë në krahun e tij të majtë, që shihet qartë portreti i gruas së tij.Alice dhe Morata janë njohur në Itali, gjatë kohës kur sulmuesi luante me Juventusin.
