Saido Mane e nisi sezonin në mënyrë të shkëlqyer, duke shënuar dy gola në fitoren 4-0, që Liverpool arriti ndaj West Ham në javën e parë të kampionatit.
Sulmuesi nga Senegali u bë futbollisti i parë i Liverpool, që pas John Barnes, që shënon në ndeshjen e parë të tre sezoneve radhazi. Tani, në ndeshjen e sotme ndaj Crystal Palace, ai kërkon një tjetër rekord.
Nëse Mane shënon në “Selhurst”, në atë që do të jetë ndeshja e tij numër 150 në Premier League, ai do të bëhet futbollisti i parë në historinë e Liverpool që shënon në tre ndeshje radhazi kundër Crystal Palace.
Deri tani, Mane ka shënuar pesë gola kundër “shqiponjave”, me shumë se ndaj çdo ekipi tjetër. Një gjë është e sigurt, golat nuk do të mungojnë në sfidën e sotme. Në 18 ndeshjet e luajtura që kur kampionati anglez është quajtur Premier League, kjo sfidë ka prodhuar 63 gola, me një mesatare 3.5 gola për ndeshje.
