Klubi italian Milani ka qenë njëra nga skuadrat më aktive të kësaj merkatoje. Pas vendimit pozitiv nga gjykata e arbitrazhit sportiv, Rossonerët kanë hyrë fuqishëm në tregun e transferimeve, e të cilin e përfunduan me përforcime të suksesshme.
Serie A i’a startoi, por dy takime u shtyen për më vonë. Për shkak të tragjedisë që ndodhi në qytetin e Genoas, ku u shembë ura kryesore, dy klubet e qytetit, respektivisht, Genoa dhe Sampdoria, kërkuan që ndeshjen të shtyhen për një afat të pacaktuar.
Vendimi për ndeshjen Milan-Genoa është marrë, e ku e njëjta do të luhet me 31 Tetor 2018. Mirëpo trajneri i “kuq e zinjëve”, Gennaro Gattuso kërkonte që ndeshja të luhej në këtë fundjavë, kërkesë kjo që u refuzua nga autoritet e federatës italiane.
