Mauricio Pochettino i ka dërguar një mesazh shumë të fortë futbollistit të tij, Toby Alderweireld. Mbrojtësi belg, pas Botërorit të fundit të zhvilluar me kombëtaren e tij, kërkon dhe pretendon që të jetë një titullar i padiskutueshëm në skuadrën e Tottenham. Një kërkesë ndaj të cilës nuk ka vonuar aspak reagimi i trajnerit të Spurs-ave, Mauricio Pochettino.
“Jam trajneri i kësaj skuadre sepse Këshilli Drejtues beson në vendimet e mia. Çështja “Alderweireld” është një humbje kohe. Kur një futbollist firmos një kontratë, atëherë duhet të jetë në dispozicion për trajnerin dhe të meritojë pozicionin e tij, sidomos në stërvitje, dhe më pas është trajneri që vendos. Askush nuk mund të më bëjë shantazh”, deklaroi tekniku i Tottenham, Pochettino.
