Konflikti mes Flamurtarit dhe Kukësit për futbollistin brazilian Elton Kale, ose më saktë mes vetë lojtarit dhe verilindorëve, pritet të vazhdojë gjatë.
Kjo pasi as Dhoma e Zgjidhjes së Konflikteve pranë FSHF-së nuk ka arritur t’i jap drejtim çështjes duke e lënë atë në dorë FIFA-s. Mësohet se duke qenë se Kale e ka çuar kërkesën e tij edhe në FIFA, FSHF ka vendosur ta pezullojë çështjen deri në marrjen e vendimit përfundimtar nga organizmi botëror, pa e zgjidhur në themel.
Kale kërkon me ngulm marrjen e leje-kalimit nga Kukësi për të nënshkuar me Flamurtarin, ndërkohë që verilindorët pretendojnë se lojtari ka një kontratë të vlefshme me ta.
